Lögfræðingur og bæjarstjóraefni listans
1. sæti

Björg Ásta er lögfræðingur með víðtæka reynslu úr atvinnulífi, stjórnmálum, íþróttum og sjálfboðastarfi. Hún hefur starfað hjá Samtökum iðnaðarins, verið aðstoðarmaður ráðherra og framkvæmdastjóri Sjálfstæðisflokksins. Hún býr í Vogum með fjölskyldu sinni og vill styrkja grunnstoðir samfélagsins, efla þjónustu og innviði og skapa aukin tækifæri fyrir íbúa. Björg Ásta vill að Vogar vaxi áfram sem sterkt, fjölskylduvænt og framsækið samfélag á traustum grunni.

Áherslumál:

Styrking grunnstoða samfélagsins

Efling þjónustu og innviða

Aukin tækifæri fyrir alla íbúa

Sérfræðingur hjá Landhelgisgæslu Íslands
2. sæti

Guðmann Rúnar hefur búið í Vogum frá árinu 2010 og hefur sterka tengingu við samfélagið. Hann er varamaður í bæjarstjórn, formaður frístunda- og menningarnefndar og hefur tekið virkan þátt í félags-, íþrótta- og æskulýðsstarfi. Í frítíma sínum hefur hann áhuga á íþróttum, tónlist, ljósmyndun, hönnun og rafíþróttum. Guðmann vill leggja áherslu á ábyrgan rekstur, bætta ásýnd sveitarfélagsins og aukið framboð í frístunda- og menningarmálum.

Áherslumál:

Ábyrgur rekstur sveitarfélagsins

Bætt ásýnd bæjarins

Aukið framboð í frístunda- og menningarmálum

Deildarstjóri í Klettabæ
3. sæti

Hulda hefur búið í Vogum frá árinu 2015 ásamt fjölskyldu sinni og hefur starfað á Heilsuleikskólanum Suðurvöllum. Hún er virk í samfélaginu og hefur tekið þátt í ýmsum félagasamtökum. Í frítíma sínum hefur hún gaman af útivist, ferðalögum, bakstri og framkvæmdum. Hulda vill efla barnvænt samfélag, fjölga tækifærum í íþrótta- og tómstundastarfi og styrkja fræðslumál í sveitarfélaginu.

Áherslumál:

Barnvænt samfélag

Aukið framboð í íþrótta- og tómstundastarfi

Öflug fræðslumál í sveitarfélaginu

Leikskólakennari og deildarstjóri á Heilsuleikskólanum Suðurvöllum
4. sæti

Kristín Arna flutti í Voga árið 2022 og starfar á Heilsuleikskólanum Suðurvöllum. Hún er leikskólakennari, þriggja barna móðir og situr í stjórn Þróttar. Í frítíma sínum nýtur hún samveru með fjölskyldu og vinum, ferðalaga, útiveru og fótbolta. Kristín vill byggja upp öruggt og fjölskylduvænt samfélag sem styður við velferð barna og foreldra.

Áherslumál:

Öruggt og fjölskylduvænt samfélag

Velferð barna og foreldra

Hvetjandi umhverfi þar sem börn fá tækifæri til að dafna

Framleiðslu- og stöðvarstjóri hjá Benchmark Genetics Iceland
5. sæti

Andri er fiskeldisfræðingur og hefur búið alla ævi í sveitarfélaginu. Hann er bæjarfulltrúi og formaður skipulagsnefndar og hefur sterka tengingu við Vatnsleysuströndina. Í frítíma sínum nýtur hann borðspila, ferðalaga, útivistar og hreyfingar. Andri vill stuðla að skynsamlegri og ábyrgri uppbyggingu í sátt við umhverfi og samfélag.

Áherslumál:

Skynsamleg og ábyrg uppbygging

Skipulagsmál í sátt við umhverfi og samfélag

Vönduð þróun sveitarfélagsins til framtíðar

Meistaranemi í landslagsarkitektúr og flugþjónn
6. sæti

Magnús býr á Vatnsleysuströnd með eiginmanni sínum og hundinum Bassa. Hann hefur mikinn áhuga á landslagsarkitektúr, skógrækt, gróðursetningu, útivist og hreyfingu. Magnús vill fegra nærumhverfið í Vogum og á Vatnsleysuströnd, fjölga áningarstöðum, styðja vistvænt skipulag og bæta aðgengi að minjum og náttúruperlum.

Áherslumál:

Fegra nærumhverfið í Vogum og á Vatnsleysuströnd

Fjölga áningarstöðum fyrir alla aldurshópa

Vistvænt skipulag, skógrækt og betra aðgengi að náttúruperlum

Heilbrigðisgagnafræðingur hjá Heilbrigðisstofnun Suðurnesja
7. sæti

Þórunn hefur búið í Vogum í 17 ár og starfar við heilbrigðisgagnafræði eftir langa reynslu sem læknaritari og skrifstofustjóri. Hún er virk í samfélaginu og hefur áhuga á fjölskyldu, útivist, garðrækt og ferðalögum. Þórunn vill efla atvinnuuppbyggingu í Vogum, laða að sprota- og stærri fyrirtæki og skapa þannig fleiri tækifæri, sterkari innviði og fjölbreyttara bæjarlíf.

Áherslumál:

Aukin atvinnuuppbygging

Fleiri atvinnutækifæri

Sterkari innviðir og fjölbreyttara bæjarlíf

Eldri borgari og þar áður sjómaður
8. sæti

Hólmgrímur flutti í Voga árið 2006 og hefur víðtæka starfsreynslu, meðal annars sem sjómaður, matreiðslumaður og sendibílstjóri. Hann er fjölskyldumaður, á þrjú börn, fimm barnabörn og tvö barnabarnabörn, og nýtur ferðalaga og samveru með fjölskyldu og vinum. Hólmgrímur vill leggja áherslu á áframhaldandi framþróun, uppbyggingu og ábyrga fjármálastjórn í sveitarfélaginu.

Áherslumál:

Áframhaldandi framþróun sveitarfélagsins

Uppbygging á traustum grunni

Ábyrg og skynsamleg fjármálastjórn

Starfsmaður í búsetuúrræði fyrir fólk með fötlun
9. sæti

Súsanna er fædd og uppalin í Vogum og á sterkar rætur í samfélaginu. Hún útskrifaðist úr Stóru-Vogaskóla árið 2019, tók virkan þátt í félagslífi og lauk stúdentsprófi frá Flensborg árið 2023. Hún starfar við umönnun fatlaðra einstaklinga og íhugar nám í hjúkrunarfræði. Súsanna hefur keypt sína fyrstu eign í Vogum og vill skapa fleiri tækifæri fyrir ungt fólk svo það sjái framtíð sína í samfélaginu.

Áherslumál:

Fleiri tækifæri fyrir ungt fólk

Að unga fólkið sjái framtíð sína í Vogum

Öflugt og aðlaðandi samfélag fyrir næstu kynslóð

Rafvirki hjá Straumberg og starfsmaður í félagsmiðstöðinni Borunni
10. sæti

Róbert Andri er fæddur og uppalinn í Vogum og hefur verið virkur í félagslífi frá unga aldri, bæði í Stóru-Vogaskóla og Fjölbrautaskóla Suðurnesja. Hann hefur mikinn áhuga á íþróttum, heilsu, tónlist og leiklist og hefur komið fram sem trúbador og með hljómsveitinni Nostalgíu. Róbert vill efla frístunda- og menningarmál í Vogum og styrkja félagslíf ungmenna.

Áherslumál:

Efling frístunda- og menningarmála

Sterkara félagslíf ungmenna

Líflegt og skemmtilegt samfélag

Staflari, virkur þátttakandi í íþrótta- og menningarstarfi
11. sæti

Sigurður Rafn er fæddur og uppalinn í Vogum og brennur fyrir samfélaginu sínu. Hann hefur tekið virkan þátt í íþróttum, leiklist og sjálfboðaliðastarfi, meðal annars með Þrótti Vogum og Leikfélagi Keflavíkur. Í frítíma sínum hefur hann áhuga á fótbolta, badmintoni, tónlist og gítarleik. Sigurður vill stuðla að góðum rekstri sveitarfélagsins og efla menningu, íþróttir og tómstundir fyrir alla íbúa.

Áherslumál:

Góð rekstrarstjórn sveitarfélagsins

Aukin uppbygging í íþróttum og tómstundum

Menningarstarf fyrir alla aldurshópa

Rafvirki og kælimaður hjá Fastus
12. sæti

Árni Grétar flutti í Voga í desember 2023 eftir hvatningu frá fjölskyldu sinni sem býr í sveitarfélaginu. Hann hefur fjölbreytt áhugamál, meðal annars íþróttir, tónlist, smíði, ljósmyndun og rafíþróttir. Árni Grétar leggur áherslu á fallegt og líflegt bæjarfélag og vill auka framboð í frístunda- og menningarmálum.

Áherslumál:

Fallegt og líflegt bæjarfélag

Aukið framboð í frístundamálum

Öflugra menningarstarf

Meindýraeyðir og eigandi Meindýraeyðis Íslands ehf
13. sæti

Steinar Smári er fæddur og uppalinn í Vatnsleysustrandarhreppi og hefur sterka tengingu við samfélagið. Hann býr í Vogum með eiginkonu sinni, Guðrúnu Helgu Jakobsdóttur Hansen, en saman eiga þau þrjú börn. Í frítíma sínum hefur hann áhuga á skotfimi, flugi, dýrum og safngripum. Steinar vill bæta þjónustu við eldri borgara og byggja upp öflugan samfélagskjarna sem tengir íbúa betur saman.

Áherslumál:

Bætt þjónusta við eldri borgara

Öflugur samfélagskjarni fyrir alla aldurshópa

Að tengja samfélagið betur saman

Verslunarstjóri, formaður bæjarráðs og bæjarfulltrúi
14. sæti

Björn er fjölskyldumaður og hefur lengi verið virkur í samfélaginu í Vogum. Í frítíma sínum nýtur hann ferðalaga, mótorhjóla og útivistar. Hann vill leggja áherslu á ábyrga fjármálastjórn og áframhaldandi uppbyggingu svo Vogar geti haldið áfram að vaxa á traustum grunni.

Áherslumál:

Ábyrg fjármálastjórn

Áframhaldandi uppbygging

Vöxtur á traustum grunni