Rekstri sveitarfélagsins
Sterk og ábyrg fjármálastjórn er grunnurinn að góðri þjónustu. Við ætlum að auka gagnsæi, bæta samskipti við íbúa og auka skilvirkni í rekstri sveitarfélagsins. Með því að nýta tæknilausnir, setja skýr þjónustuviðmið og halda áfram að lækka álögur
Okkar leið léttir álögum af íbúum
-
Við vinnum markvisst að því að styrkja rekstur sveitarfélagsins svo svigrúm skapist til enn frekari lækkunar fasteignaskatta
-
Endurskoðum gjaldskrá sveitarfélagsins, aukum skýrleika hennar og metum hvar séu tækifæri til breytinga, sér í lagi til að lækka álögur á íbúa og fyrirtæki.
Okkar leið tryggir þér bæjarstjóra sem býr í sveitarfélaginu
-
D-listinn býður fram bæjarstjóraefni sem býr í sveitarfélaginu og mun veita sveitarfélaginu styrka forystu.
Okkar leið eykur hagkvæmni
-
Við skilgreinum þá þjónustu sem sveitarfélagið veitir, þar á meðal hversu hröð afgreiðsla erinda eigi að vera. Við ætlum að upplýsa íbúa um þjónustuviðmiðin og fylgjast reglulega með því hvort við séum að fylgja þeim eftir.
-
Við einföldum ferla með stafrænum lausnum sem stytta afgreiðslutíma, draga úr skriffinnsku og bæta þjónustu og upplýsingagjöf.
-
Við metum hvaða verkefni megi leysa hagkvæmar í samstarfi við nágrannasveitarfélög, ríki, félagasamtök eða einkaaðila.
-
Skoðum möguleika á útvistun verkefna þegar það skilar betri gæðum eða lægri kostnaði án þess að slaka á eftirliti.
Okkar leið byggir á samtali
-
Við boðum reglulega til íbúafunda um stór mál og tryggjum skýra upplýsingagjöf og opið samtal.
-
Við kynnum árlega framkvæmdaáætlun sveitarfélagsins með stöðu verkefna, kostnaði og forgangsröðun.
-
Við festum vikulega viðtalstíma í dagskrá bæjarstjóra, bæði á skrifstofu og rafrænt eftir þörfum.
Okkar leið tryggir íbúum auknar upplýsingar
-
Við setjum upp stafrænt þjónustutorg fyrir íbúa þar sem hægt verður að senda inn ábendingar, fylgjast með stöðu erinda, fá tilkynningar og nálgast helstu upplýsingar um starfsemi sveitarfélagsins. Innleiðingin á Voga-appinu verður unnin í áföngum.
-
Ásamt Voga-appinu verður heimasíða sveitarfélagsins ein helsta upplýsingaveita sveitarfélagsins. Við ætlum að uppfæra heimasíðuna til hagsbóta fyrir íbúa og stjórnsýslu sveitarfélagsins.
-
Við birtum fylgiskjöl með fundargerðum bæjarstjórnar og bætum þannig aðgengi íbúa að gögnum sveitarfélagsins. Markmiðið er að auka gagnsæi og gefa íbúum auknar upplýsingar til að veita kjörnum fulltrúum aðhald.
-
Við grípum til aðgerða til að tryggja hraða og faglega afgreiðslu umsókna, bætum yfirsýn yfir mál, svo íbúar og fyrirtæki viti stöðu sinna erinda og hvenær megi vænta niðurstöðu.
Fjölskyldumálum
Börn og fjölskyldur eru forgangsmál. Við ætlum að byggja upp öflugt og öruggt skólaumhverfi, styðja foreldra betur og tryggja að öll börn fái tækifæri til að þroskast og taka þátt. Með auknu framboði leikskólaplássa, bættri þjónustu og markvissum stuðningi við fjölskyldur leggjum við grunn að sterkari samfélagi til framtíðar
Okkar leið styrkir skólana
-
Við innleiðum 30 klst. gjaldfrjálsa leikskólavist, aukum sveigjanleika fyrir foreldra og styrkjum faglegt starf í leikskólum.
-
Við mætum bráðavanda í leikskólamálum með stækkun Heilsuleikskólans Suðurvalla. Þannig fjölgun við leikskólaplássum, styttum biðlista og bætum starfsumhverfi.
-
Við eflum samstarf við Suðurnesjabæ um skólaþjónustu, byggjum á því sem vel er gert og aukum stuðning og ráðgjöf til skólanna.
-
Við styrkjum samstarf leik- og grunnskóla og bætum upplýsingaflæði, þannig að yfirfærsla barna verði markvissari og betri fyrir börn, foreldra og starfsfólk.
-
Við eflum kennslu í íslensku sem öðru tungumáli (ÍSAT), eftir atvikum með því að fjölga þeim sem sinna henni.
-
Tryggja fulla fjármögnun og uppbyggingu grunnskólans til að mæta stækkun samfélagsins og bæta aðstöðu í STEAM greinum og fjölnýtanlegum rýmum, m.a til menningarstarfs í sveitarfélaginu
-
Við byggjum nýjan leikskóla með ungbarnadeild til að fjölga plássum, bæta þjónustu og horfa til framtíðar.
-
Við vinnum markvisst að bættum gæðum í skólum og setjum okkur framsækna og metnaðarfulla stefnu, sem horfir til framtíðar og byggir undir öflugt samfélag í Vogum.
-
Við komum á fót útikennslustofu sem styður fjölbreytta kennslu, hreyfingu og skapandi starf utan hefðbundinnar skólastofu.
Okkar leið kemur til móts við foreldra
-
Til að bregðast við stöðu í leikskólamálum hækkum við heimgreiðslur fyrir börn 18 mánaða og eldri og léttum þannig undir með fjölskyldum á biðlista.
-
Við aukum niðurgreiðslur til dagforeldra þannig að foreldrar barna 18 mánaða og eldri greiði minna á biðtíma eftir leikskólaplássi.
Okkar leið hlúir að börnunum
-
Við kortleggjum helstu gönguleiðir barna og forgangsröðum úrbótum, svo sem betri lýsingu, gangbrautum, merkingum og lægri hraða.
-
Við vinnum með skólum, foreldrum, íþróttafélögum og ungmennum að sameiginlegum sáttmála um að minnka skjátíma og auka framboð af samveru og hreyfingu.
-
Við förum yfir leiksvæði, forgangsröðum viðhaldi og setjum fram skýra áætlun. Áhersla verður á öryggi, aðgengi og fjölbreyttan leik.
-
Við bætum tengingar milli skóla, íþróttasvæða og hverfa með öruggari göngu- og hjólaleiðum og skýrari merkingum.
-
Við aukum þátttöku með því að draga úr hindrunum og vinna með íþróttafélögum og félagasamtökum að lausnum, m.a. með frístundastyrk, frístundarútu og bættri upplýsingagjöf til foreldra og barna.
Okkar leið styður við ungmennin
-
Við vinnum með ungmennum að því að efla félagsstarf og viðburðarhald. Tekin hafa verið skref í þá átt að vera með ungmennaopnun félagsmiðstöðvarinnar. Við þurfum að halda því áfram.
-
Við aukum aðgengi ungmenna að íþrótta- og tómstundastarfi með því að fjarlægja hindranir og vinna með íþróttafélögum og félagasamtökum að lausnum. Bætum almenningssamgöngur, nýtum frístundarútu, frístundastyrk, fjölbreyttara framboð og markvissari kynningu til að ná til fleiri.
-
Við fjölgum sumarstörfum og eflum samstarf við fyrirtæki til að veita ungu fólki fleiri tækifæri til starfsreynslu. Með fjölgun fyrirtækja í sveitarfélaginu aukast líka möguleikar ungs fólks til að starfa í heimabyggð.
-
Við stuðlum að aukinni fjölbreytni í íþrótta- og tómstundastarfi í samstarfi við félög og ungmenni og nýtum aðstöðu betur.
-
Við virkjum ungmennaráð markvisst og leitum álits ungmenna í málum sem þau varða, þannig að samráð skili sér í ákvarðanatöku.
Okkar leið eykur lífsgæði fólks með fötlun
-
Setjum á fót notendaráð sem er ráðgefandi fyrir sveitarfélagið varðandi stefnumörkun og áætlanagerð á öllum sviðum sem varða fatlað fólk.
-
Við bætum akstursþjónustu fyrir fólk með fötlun með því að tryggja að þjónustan nái jafnframt til aksturs á höfuðborgarsvæðið.
-
Við vinnum með atvinnulífi og ríki að því að skapa fleiri störf og virkniúrræði fyrir fólk með fötlun, með áherslu á tækifæri í heimabyggð.
-
Við tryggjum gott aðgengi á leiksvæðum með bættri aðstöðu sem hentar börnum með ólíkar þarfir.
Okkar leið styður við eldri borgara
-
Við styrkjum hlutverk öldungaráðs og tryggjum að sjónarmið þess hafi áhrif á ákvarðanir um málefni eldri borgara.
-
Við leitum leiða til að lækka kostnað eldri borgara við frístundastarf í samstarfi við Félag eldri borgara, m.a. með einfaldari og aukinni nýtingu frístundastyrks.
-
Við styðjum uppbyggingu íbúðarhúsnæðis fyrir 60+ með því að taka þarfir eldri íbúa inn í skipulag og vinna með uppbyggingaraðilum.
-
Við bætum akstursþjónustu fyrir eldri borgara með því að tryggja að þjónustan nái jafnframt til aksturs á höfuðborgarsvæðið.
Þjónustu og atvinnumálum
Við viljum efla þjónustu í heimabyggð og skapa fleiri tækifæri til atvinnu. Með uppbyggingu atvinnusvæða, stuðningi við frumkvæði og betri nýtingu innviða ætlum við að styrkja atvinnulífið í Vogum. Markmiðið er að íbúar geti sótt þjónustu og störf nær heimili og að sveitarfélagið verði aðlaðandi kostur fyrir fyrirtæki
Okkar leið eykur þjónustu í heimabyggð
-
Við vinnum með fræðsluaðilum og atvinnulífi að fleiri íslenskunámskeiðum í sveitarfélaginu sem henta ólíkum hópum.
-
Við stuðlum að því að aukin verði þjónusta í sveitarfélaginu við íbúa í atvinnuleit, í samstarfi við fræðsluaðila og ríkið.
-
Við hröðum uppbyggingu atvinnuhúsnæðis á miðbæjarreitnum með skýrri verkáætlun, einföldum samskiptum og markvissri eftirfylgni til að skapa rými fyrir þjónustu, verslun og störf í hjarta bæjarins.
-
Við greinum hentugt húsnæði, þörf íbúa og samstarfsmöguleika við fyrirtæki eða stofnanir. Fjarvinnusetur verður hugsað sem fagleg vinnuaðstaða með góðri nettengingu, fundaraðstöðu og möguleika á að vinna nær heimili.
-
Við skoðum þarfir íbúa og mögulegt samstarf um líkamsræktaraðstöðu í sveitarfélaginu. Verkefnið verður tengt lýðheilsu, íþróttaaðstöðu og nýtingu húsnæðis þannig að íbúar þurfi síður að sækja þjónustu annað.
Okkar leið sækir tækifærin heim
-
Við gerum úttekt á stöðu og tækifærum hafnarsvæðisins og mótum heildarskipulag sem skapar meira líf, betra aðgengi og ný atvinnutækifæri, og metum þörf fyrir viðhald.
-
Við höldum áfram greiningu, skipulagsvinnu og samtali við hagaðila um Keilisnes og þá möguleika sem eru í boði til uppbyggingar á svæðinu. Við skoðum jafnframt önnur svæði til að tryggja fjölbreytta atvinnuuppbyggingu
-
Við úthlutum atvinnulóðum til uppbyggingar sem skapar störf og þjónustu í sveitarfélaginu.
-
Við nýtum ábyrga fjármálastjórn til að skapa svigrúm til lækkunar fasteignaskatta fyrirtækja og efla samkeppnishæfni Voga.
Lýðheilsu og menningarmálum
Tómstundir, íþróttir og menning skapa lífsgæði og tengja samfélagið saman. Við viljum auka framboð og bæta aðstöðu, því tækifærin eiga að vera heima í Vogum.
Okkar leið eflir íþrótta-, tómstunda- og menningarstarf
-
Við höldum áfram að vinna stefnuna með íbúum og setjum í skýran forgang aukið framboð, aukna þátttöku íbúa, sér í lagi barna og ungmenna, og uppbyggingu aðstöðu.
-
Við greinum ástæður brottfalls og vinnum með íþróttafélögum að lausnum, með áherslu á kostnað, samgöngur og fjölbreyttara framboð.
-
Við styrkjum tengsl skóla og íþróttafélaga til að auka þátttöku og kynna fleiri börnum fyrir íþróttum og félagsstarfi.
-
VIð leggjum áherslu á að bæta aðgengi barna og ungmenna að íþrótta- og tómstundastarfi. Í því samhengi ætlum við að koma á fót frístundarútu í samráði við foreldra, skóla og félög, með það að markmiði að samgöngur standi ekki í vegi fyrir þátttöku barna og ungmenna.
-
Við gerum þarfagreiningu á núverandi aðstöðu, framtíðarþörf og kostnaði. Í framhaldinu verður sett fram áfangaskipt áætlun um uppbyggingu sem styður við almennings- og afreksíþróttir, félagastarf og lýðheilsu íbúa.
-
Við kortleggjum þörf fyrir æfinga-, upptöku- og viðburðaaðstöðu og nýtum húsnæði betur, svo fleiri hafi aðgang að skapandi rými í heimabyggð.
Okkar leið styður við framtakssemi og samstarf
-
Við setjum á laggirnar Voganeistann, framtakssjóð sem styður ný verkefni á sviði frístunda, menningar og íþrótta og eflir frumkvæði og þátttöku í samfélaginu.
-
Við gerum samkomulag við félagasamtök, sóknarnefnd og kirkjukórinn um samstarf og stuðning við verkefni í þágu samfélagsins, og til að efla samstarf sveitarfélagsins við þau.
-
Við styðjum við íbúa og félagasamtök til að sækja um styrki til að efla frumkvæði í samfélaginu og fjárfestingu í verkefnum innan sveitarfélagsins, m.a. með aukinni upplýsingagjöf.
Okkar leið stuðlar að útiveru
-
Við bætum lýsingu á stígum með áherslu á öryggi og fjölfarnar leiðir.
-
Við höldum verkefninu áfram í samstarfi við landeigendur og stjórnvöld, með það að markmiði að skapa örugga og vel merkta leið sem bætir tengingu á milli svæða og eflir útivist.
-
Við undirbúum áframhaldandi lagningu göngu- og hjólreiðastígs inn á Vatnsleysuströnd til að bæta aðgengi og efla útivist á svæðinu.
-
Við bætum aðgengi að fjörunni fyrir alla, m.a. fólk með fötlun, eldri borgara og barnafjölskyldur. Við skoðum aðkomu, stíga og öryggi svo fleiri geti notið svæðisins, þar á meðal skólahópar.
-
Við bætum aðgengi að hundagerðinu fyrir alla, m.a. fólk með hreyfiskerðingu og eldri borgara, og bætum lýsingu svo svæðið nýtist betur allt árið um kring.
Okkar leið varðveitir söguna
-
Við vinnum áfram með hagaðilum að vernd og fræðslu um minjar svæðisins, svo þær varðveitist og verði áfram hluti af samfélaginu.
-
Við vinnum með hagaðilum að bættum upplýsingum og auknu aðgengi að minjum og sögu sveitarfélagsins.
Betri byggð
Betri byggð skapar betra samfélag. Góðar samgöngur, sjálfbær uppbygging, öruggt umhverfi og fallegir Vogar eru lykillinn að því að bæta lífsgæði íbúa. Við ætlum að bæta samgöngur, styrkja innviði og byggja upp sjálfbæra byggð til framtíðar. Með markvissri skipulagningu, fegrun bæjarins og auknu öryggi viljum við gera Vogana að enn betri stað til að búa og starfa í
Okkar leið tryggir betri samgöngur
-
Við gerum úttekt við skóla og leikskóla og ráðumst í áfangaskiptar úrbætur á gangbrautum, hraða, lýsingu og merkingum til að auka öryggi barna í umferðinni.
-
Við vinnum eftir virkri viðhaldsáætlun þar sem götur, gangstéttir og stígar eru metin reglulega og forgangsraðað eftir öryggi og ástandi.
-
Við bætum göngu- og hjólatengingar Grænuborgarhverfisins, svo það tengist betur skóla, þjónustu og öðrum hverfum auk þess að vinna að bættu umferðaröryggi innan hverfisins.
-
Við vinnum með íbúum og hagaðilum að bættum almenningssamgöngum.
Okkar leið stuðlar að sjálfbærri íbúðauppbyggingu
-
Við tengjum skipulag við reglulegt mat á stöðu innviða, svo þjónusta, grunninnviðir og aðstaða haldist í takt við uppbyggingu.
-
Svo tryggt sé aukið framboð af uppbyggingu sérbýlis í sveitarfélaginu munum við úthluta sérbýlislóðum úr landi sveitarfélagsins.
-
Við endurskoðum skipulagsskilmála með lífsgæði íbúa að leiðarljósi. Við viljum tryggja næg bílastæði, minni þéttingu byggðar og bættan frágang lóða.
-
Við förum yfir forsendur skipulags í Breiðagerði og metum forsendur þess að skipuleggja svæðið sem dreifbýli.
Okkar leið eykur áfallaþol byggðarinnar
-
Við beitum okkur gagnvart ríkinu fyrir því að Vatnsleysustrandarvegur verði skilgreindur og viðhaldið sem mikilvæg varaleið. Er það mikilvægt út frá öryggissjónarmiðum, rýmingarleiðum, atvinnulífi og áfallaþoli alls Reykjaness.
-
Við beitum okkur fyrir því og leitum leiða til að tryggjum íbúum og fyrirtækjum á Vatnsleysuströnd aðgengi að heitu vatni.
-
Til að mæta framtíðarþörf og tryggja áfallaþol sveitarfélagsins verður unnið að uppbyggingu á varavatnsbóli, í samstarfi við HS veitur.
Okkar leið fegrar bæinn
-
Við köllum eftir hugmyndum íbúa og setjum fram tímasetta áætlun um fegrun bæjarins.
-
Við leitum tækifæra til að fjölga grænum svæðum og stuðla að aukinni skógrækt í samstarfi við hagaðila.
-
Við endurvekjum það verkefni að fegra aðkomu bæjarins og höldum áfram hönnunarvinnu og eftir atvikum framkvæmd þess á kjörtímabilinu. Markmiðið er að íbúar og gestir finni strax að komið sé í fallegt og metnaðarfullt sveitarfélag.
-
Við setjum bætt eftirlit með umgengni í sveitarfélaginu í aukinn forgang og leggjum áherslu á samtal, fræðslu og úrbætur innan sveitarfélagsins í umhirðu og umgengni. Búum til aðgengilegan og stafrænan vettvang til að koma á framfæri athugasemdum um umgengni í sveitarfélaginu.